Hoe oorleef die Love Island-lippe al daardie vryery? Ons het uitgevind

Wat is tans op almal se lippe? Love Island. En terwyl ons die drama fyn dophou, het ons ook opgemerk dat daar nie ’n dingetjie uit plek is met die vroue se grimering nie. Hierdie seisoen fokus ons op hul lip-roetine: die lip-olie, lipkombinasies en bevogtigende lipstiffies wat hulle daardie glansryke voorkoms gee. Hier is wat ons kon uitvind. 

Kom ons wees eerlik. Jy kyk nie Love Island nét vir die drama nie (oukei, dalk meestal vir die drama). Maar iewers tussen die verhoudings wat begin en eindig en die uitdagings het jy iets opgemerk: Almal in daardie villa soen aanhoudend – en op een of ander manier lyk hul lippe steeds bevogtig.

Nie ’n gebarste, verbleikte of lip wat afskilfer in sig nie.

Intussen sit jy op jou rusbank in die middel van ’n Suid-Afrikaanse winter, besig om jou lipsalf met jou tande af te trek, en wonder jy presies hoeveel lipmiddels daar in daardie villa se grimeerkamer is.

Ons het fyn gekyk. Hier is wat hul lippe só goed laat lyk, en die weergawes in Suid-Afrika wat jou dieselfde voorkoms sal gee.

Eerstens: Kom ons praat oor wat gehidreerde lippe nodig het

Voordat ons by die produkte kom, is die formule eenvoudig: hidrasie + vog + kleur. Dis dít. Drie lae, en jou lippe gaan van winter-verniel na villa-gereed.

• Hidrasie trek water in die lipweefsel in (dink aan hialuroonsuur, aalwyn, vitamien C)
• Vog verseël dit en beskerm die velversperring (dink aan olies, botters, skwalaan)
• Kleur gee jou daardie glansende, getinte, moeiteloos afgeronde voorkoms wat pragtig op foto’s lyk en warm drankies oorleef.

Die beste lipprodukte doen tans al drie op een slag. Dis presies hoekom die era van lipolie, lipkombinasies en bevogtigende lipstiffie nou hoogty vier.

Koop lipsalf + bevogtigers:

Vaseline Lip Therapy, R34.99 by Clicks

Blistex Daily Conditioning Treatment Lip Protectant + Sunscreen, R147 by Clicks

Elizabeth Arden Eight Hour Cream Nourishing Lip Balm SPF20, R390 by Clicks

SKOON Soentjies FullPout Hydrating Balm with Jojoba + Chili Extract, R 289.95 by Woolworths

Die lipolie: Jou nuwe ononderhandelbare produk

As die Love Island-vroue een geheime wapen het, is dit lipolie. Dis die produk wat sorg vir daardie glans wat lyk asof jy niks dra nie, maar jy dra duidelik iets.

Lipolies sit presies op die snypunt tussen velsorg en grimering, en dis juis waar skoonheid tans leef. Dit versorg terwyl dit tint gee, hidreer terwyl dit glans gee, en hou die heeldag lank.

Hoekom dit spesifiek vir Suid-Afrikaanse lippe werk: Ons winters is droog en die wind is genadeloos – Joburg- en Kaapstad-mense, julle weet! Lipolies vorm ’n beskermende seël oor die oppervlak van die lippe terwyl dit voeding insit, wat dit ideaal maak vir die soort koue wat lippe oornag in skuurpapier verander.

Waarna om te soek: plantgebaseerde skwalaan (sluit vog in sonder om swaar te voel), kasterolie (dit skep daardie sappige volheid), en ’n nieklewerige formule – want niemand wil ’n glansmiddel hê wat hul hare in die wind vasvang nie.

Die afronding? Deurskynende tint, megaglans, lyk duur, neem twee sekondes om aan te wend.

LEES OOK: Die CHANEL Sublimage-gesigbehandeling is die vertroeteling waarna jou vel smag

Koop lipolies:

Essence Hydra Kiss Lip Oil, R75 op Takealot.com

Maybelline Lifter Glaze Lip Oil Balm with Hyaluronic Acid, R96 op Takealot.com

Clarins Lip Comfort Oil, R450 op Bash.com

Die lipkombinasie: Die tegniek wat oral op die internet is

Jy het dit op TikTok gesien. ’n Lipomlyner, ’n glansmiddel, soms ’n tint daaronder. Dit word in ’n spesifieke volgorde aangebring om ’n voorkoms te skep wat voller en langerhoudend is as wat enige enkele produk alleen kan regkry.

Die Love Island-rolverdeling – veral Olandria Carthen van seisoen 7 – het die lipkombinasie in wese weer hoofstroom gemaak. Deelnemers is al opgemerk met liptinte as basis, met ’n romerige getinte omlyner bo-oor, en dan ’n glansmiddel as afronding vir daardie vol, glansende-maar-gedefinieerde voorkoms wat deur alles hou.

Daar is ’n eenvoudige rede hoekom dit werk: Jy bou in lae. Die tint gee jou pigment wat hou. Die omlyner gee vorm en kleurdiepte. Die glansmiddel gee glans en daardie hidrasie-treffer. Saam skep dit lippe wat afgerond lyk – nie oordoen nie.

Kry die voorkoms:

Essence line n’ Stain! Tattoo Lip Liner, R67 op Takealot.com

Stain’d Trio Lip Set Berry, R129 by The FIX

Maybelline Superstay Teddy Lip Tint, R231.95 op Bash.com

MAC Lipglass Air Non-Sticky Gloss, R400 op Takealot.com

Die bevogtigende lipstiffie: Want kleur en gemak gaan hand aand hand

Hier is wat ’n droëlip-winter aan jou treffende lipstiffie doen: Dit ruïneer dit. Jy wend ’n pragtige rooi of ’n ryk bessiekleur aan, en binne ’n uur lê dit in die lyntjies van jou lippe, vervaag dit ongelyk en laat dit jou lippe voel asof hulle deur ’n sneeustorm is.

Die bevogtigende lipstiffie, ’n formule wat gebou is rondom vogbindende bestanddele eerder as net pigment en was, verander dit heeltemal. Jy kry volle kleur, maar die formule beweeg saam met jou lippe eerder as teen hulle. Geen intrek in lyntjies nie. Geen kraak nie. Geen “dit was ’n fout”-gevoel om 15:00 nie.

En visueel? Dis die verskil tussen lippe wat geverf lyk en lippe wat lewendig lyk.

Waarna om in ’n bevogtigende lipstiffie te soek: hialuroonsuur, sjeabotter, vitamien E, en formules wat as “comfort wear” of “cushion” beskryf word – dit is die produkte wat kleur én versorging lewer. Bonus as dit ’n ligte glans het eerder as ’n heeltemal mat afwerking, wat geneig is om droogheid te beklemtoon.

Koop lipstiffies:

Essence 8H Matte Liquid Lipstick, R79.95 by Clicks

Stila Stay All Day® Liquid Lipstick, R520 by Woolworths

Clarins Joli Rouge Velvet, R560 op Takealot.com 

Estee Lauder Pure Color Hi-Lustre Lipstick, R645 by Woolworths

Powermatte High Intensity Lip Pencil, R710 by NARS

Hierdie artikel is nie geborg nie, maar bevat geaffilieerde skakels. As jy ’n aankoop deur die skakel maak, sal ALLES ’n klein kommissie verdien sonder dat jy iets ekstra betaal. Alle menings is dié van die redaksie. Pryse is onderhewig aan verandering.