Tekkie van die week: Die New Balance ABZORB 5030 is gebou rondom een detail wat jy nie kan miskyk nie
New Balance het in sy Y2K-argief gaan delf en iets uitgehaal wat die moeite werd is om nóú te dra.
Die New Balance ABZORB 5030 verskyn op ’n tydstip waarin draftekkies steeds ’n invloed het op leefstyltekkies, maar dit steun nie te swaar op nostalgie nie. Pleks daarvan neem dit bekende ontwerpwenke uit New Balance se katalogus van die vroeë 2000’s en verwerk dit tot iets wat modern en mooi gevorm is.
Die bostuk word gekenmerk deur sagte voering, afgedrukte detail en vloeiende panele wat die skoen beweging gee sonder dat dit visueel oordadig is. Daaronder verklap ’n gesegmenteerde buitesool oorgroot ABZORB SBS-kussingelemente, wat een van New Balance se herkenbaarste tegnologieë in ’n bepalende ontwerpkenmerk omskep. Die tussensool voeg dimensie by terwyl dit die gerief bied wat jy verwag van ’n skoen wat ontwerp is om vir veel meer as net ’n vinnige koffie-afspraak gedra te word.
LEES OOK: Tekkie van die week: Die Mary Jane kry ’n kinkel
Anders as ander nuwer modelle wat uitsluitlik op erfenis steun, voel die 5030 asof dit doelbewus vir vandag se klerekas ontwerp is. Die proporsies is groot, maar nie te groot nie, wat dit ’n maklike pasmaat maak vir wyepypjeans, netjies gesnyde langbroeke of tegniese sportdrag.
Die ABZORB 5030 is beskikbaar in inklusiewe uniseks-groottes en is ontwerp vir enigiemand wat hou van deurdagte ontwerp en alledaagse drabaarheid. Die huidige reeks sluit in ’n veelsydige silwer skoen met swart afwerking (“raincloud with black metallic”) en ’n swart skoen met silwer afwerking (“black with silver metallic”), en ’n beperkte uitgawe blink-silwer met donker afwerking (“magnet with dark silver metallic”), wat New Balance se kenmerkende grys palet vier.
Met die ABZORB 5030 hoef jy nie tussen sportiwiteit en estetika te kies nie. Dit behandel albei as deel van dieselfde gesprek, en dit is presies wat dit een van New Balance se interessantste nuwe silhoeëtte maak.
Die New Balance ABZORB 5030 is nou beskikbaar teen R2 399 by New Balance South Africa en uitgesoekte handelaars, insluitend Archive op Bash.com en Superbalist.com.
Hierdie artikel is nie geborg nie en bevat geen geaffilieerde skakels nie. Alle menings is dié van die redaksie.
Lees ook
Dié serum van R250 sal jou anders oor ’n olierige vel laat dink
K-skoonheid slyp al dekades lank die kuns van hidrasie, en hierdie serum – wat in Korea geformuleer is en gewild is onder Suid-Afrikaners – bewys dat daardie formules verbasend goed by plaaslike velle pas.
Tekkie van die Week: ASICS speel met tekstuur in sy beste Skyhand OG nóg
Nie alle kleurkeuses werk nie.
Nativechild bewys plaaslike produkte verdien ’n plek in jou haarsorgroetine
Die benoeming van Sonto Pooe, die stigter van die skoonheidshandelsmerk Nativechild, as finalis vir die Veuve Clicquot Bold Woman-toekenning, plaas dié plaaslike handelsmerk stewig in die kollig.