Laat die sprokies nuwe lewe kry

Boeke hoef nie passiewe speelgoed te wees nie. Met Human & Rousseau se reeks opwipsprokies, kan kleuters die verhale hoor, sien én voel.

Hansie en Grietjie, Gouelokkies en die Drie Bere, Aspoestertjie . . . dit is verhale waarmee ons geslagte lank al grootgeword het. Maar as ’n hedendaagse generasie langtand is vir boeke, is hierdie reeks “opwipsprokies” net die ding. Sien hoe die bladsye lewe kry. Aspoestertjie se goue koets klim uit die bladsye uit en sy en die prins is die middelpunt van die swierige bal. Arme Hansie sit in sy hokkie, skuins bokant die pot op die knetterende vuurtjie. Kinders sal eindelose plesier met hierdie boeke hê.

Die reeks bestaan uit:

• Sneeuwitjie en die Sewe Dwergies
• Die Drie Varkies
• Hansie en Grietjie
• Gouelokkies en die Drie Bere
• Aspoestertjie

Teen sowat R225 elk by takealot te kry